（更新：5:48Pm）
我番黎啦～～～～～～
姑娘1不嬲都好好脾氣。我識佢個陣佢係唔講粗口。佢琴日聽D煩人係電話R嘢。打發完個傻人擺低電話後，自己細細聲唱歌。我同姑娘2玩緊電話。姑娘2問我佢係咪唱歌？點解啲歌詞咁怪嘅？原來姑娘2首歌係得一個歌詞：「🎼丟丟丟丟丟，丟丟丟丟，丟丟丟丟，丟丟丟～～～～～～🎤」Melody係Random。乜歌都啱音架～
佢真係青春於藍勝於藍。我同姑娘2講左幾廿年粗口，從來都未諗過可以咁樣唱歌法。琴日學識左呢隻歌之後，我哋係診所高歌左10幾次。
姑娘2令我諗起小新個同學妮妮....個打兔仔嘅呀媽～～😅😅😅～
***
話說我好少買衫褲鞋襪袋呀咁。買黎買去都係零食或家品（即係蛋黃哥飯盒，蛋黃哥筷子匙羹刀叉大碟細碟大碗細碗大杯細杯杯墊床單被鋪沖涼帽風鈴保溫杯公仔...下刪1000樣冇用嘅蛋黃哥野）...
大半年前有日睇Fb Post，見到個好靚嘅月亮袋，好想據為己有。去日本個Accommode網到睇竟然賣晒。1月去大阪特登去間嘢度買，個月亮又賣晒。終於含辛茹苦，等到放完產假、成日代購嘅姑娘2幫我買。個袋今日終於嚟啦！
姑娘1第一個反應就係話佢幾....得意呀！你咁樣同讚一個醜樣嘅女仔「你好有內涵呀！」冇分別😭😭😭😭😭
跟住佢仲要問我係唔係環保袋黎架？😭😭😭😭😭😭😭😭😭😭😭
跟住跟住仲補多句話條帶幾靚呀～～～
一拳又一拳KO左我～～～ 🥊🥊🥊🥊🥊🤮😵
***
更新：5:48Pm
姑娘1再仔細睇完個月亮袋之後，話條帶好得意（而唔係話好靚）。又話個袋裝唔到啲乜嘢。又話點解我會花錢買呢個袋。跟住就話環保都好嘅，保護世界。
嘔血完畢。
冇咩事我換衫返屋企喊。😭😭😭😭😭
***
Search